張天賦認與Ash平安夜行超市 無過問女方婚姻狀況：即興搵朋友

今年係張天賦（ MC ）出道第二年，佢表示希望有份角逐新人獎甚至其他獎項。對於港台和無線聯合舉行頒獎禮，佢指對自己而言相當新鮮，希望擦出唔同火花，對於頒獎禮獎項減少，競爭力大咗， MC話唔擔心：「其實對於自己同公司來講覺得係一件開心嘅事，有獎或者冇獎都唔緊要，不過我都好期待，因為覺得自己去年嘅成績都算唔錯。」

另外，提到最近被影到同《全民造星IV》人妻參賽者Ash於平安夜孖住行超市， MC解釋同Ash只係工作夥伴，私下冇聯絡，佢解釋：「因為嗰日都無嘢做，所以就一齊去行超市。然而當時Ash仍未宣布離婚，加上平安夜，被問到有冇擔心引起外間對二人關係聯想，佢就話自己冇諗到太多：「其實嗰日都係即興搵朋友，去超市係得兩個人，但之後一齊去party仲有好多人嘅，（唔覺得Ash奇怪？喺節日唔同老公過？)我哋未熟到咁，所以無過問。(有冇問過佢嘅婚姻關係？ ）唔清楚。」對於同Ash往後會否有發展空間，MC表示冇諗太多：「拍MV嘅時候佢都有請教過我工作上嘅問題，我都有睇過佢參加比賽嘅片段，覺得佢唱歌幾好，至於拍拖我就冇諗過，如果我拍拖會公布，而目前我仲係單身。」

圖片來源：Instagram